ಪ್ರಜಾ ನಾಯಕ ಸುದ್ದಿ ಜಗಳೂರು -: ವಿದ್ಯಾರ್ಥಿಗಳೇ ನವಭಾರತ ದ ನಿರ್ಮಾತೃಗಳು ಶಿಕ್ಷಕ ಸದಾ ವಿಧ್ಯಾ ರ್ಥಿ ಮಕ್ಕಳೇ ಮನುಕುಲದ ದೀಪಗಳು ಇಂತಹ ಮಕ್ಕಳೊಂದಿಗೆ ಕೂಡಿ ಕಲಿಯುವ ಕಲಿಸುವ ಹಾಗೂ ಕಲಿಕೆಯಲ್ಲಿ ಕ್ರಿಯಾಶೀಲತೆ ಯನ್ನು ಮೈಗೂಡಿಸಿಕೊಂಡಿ ರುವ ಸ.ಹಿ.ಪ್ರಾ.ಶಾಲೆ ಭರಮ ಸಮುದ್ರ ಶಾಲೆಯ ಸಹ ಶಿಕ್ಷಕಿ ಶ್ರೀಮತಿ ಶ್ರೀ ದೇವಿ ಕೆ ಜೆ ಇವರಿಗೆ ಜಿಲ್ಲಾ ಉತ್ತಮ ಶಿಕ್ಷಕಿ ಪ್ರಶಸ್ತಿ ದೊರೆತಿರುವುದು ಪ್ರತಿಭೆಗೆ ಸಂದ ಪ್ರತಿಫಲವಾಗಿದೆ.
2002 ರಿಂದ ವೃತ್ತಿ ಜೀವನ ಪ್ರಾರಂಭಿಸಿದ ಇವರು ಸ.ಹಿ.ಪ್ರಾ. ಶಾಲೆ ಚಿಕ್ಕ ಉಜ್ಜಿನಿ ಜಗಳೂರು (ತಾ) ಇಲ್ಲಿ ಮೂರೂವರೆ ವರ್ಷ ಗಳ ಕಾಲ ಸೇವೆ ಸಲ್ಲಿಸಿದ್ದು ಮಕ್ಕಳ ಕಲಿಕೆಗಾಗಿ ಶ್ರಮಿಸಿರುತ್ತಾರೆ.
ಕಳೆದ 17 ವರ್ಷಗಳಿಂದಲೂ ಸ.ಹಿ.ಪ್ರಾ.ಶಾಲೆ ಭರಮಸಮುದ್ರ ಶಾಲೆಯಲ್ಲಿ ಕರ್ತವ್ಯ ನಿರ್ವಹಿಸುತ್ತಿದ್ದು ಮಕ್ಕಳ ಕಲಿಕೆಯೇ ಇವರ ಮೊದಲ ಆದ್ಯತೆ. ಪಠ್ಯ ಮತ್ತು ಪಠ್ಯೇತರ ಚಟುವಟಿಕೆಗಳಿಗಾಗಿ ಮಕ್ಕಳನ್ನು ಪ್ರೋತ್ಸಾಹಿಸುತ್ತಾ,ಇಲಾಖೆಯಲ್ಲಿ ನೀಡುವ ವಿವಿಧ ತರಬೇತಿಗಳಲ್ಲಿ ತಾಲೂಕು ಮತ್ತು ಕ್ಲಸ್ಟರ್ ಹಂತದ ಸಂಪನ್ಮೂಲ ವ್ಯಕ್ತಿಯಾಗಿ ಗುರುತರ ಸೇವೆ ಸಲ್ಲಿಸಿರುತ್ತಾರೆ. ಎಲೆಮರೆ ಕಾಯಿ ಯಂತಿರುವ ಇವರು ಮಕ್ಕಳು ಕಲಿಕಾ ಪ್ರಗತಿಯ ಮೌಲ್ಯಮಾಪನ ಕ್ಕಾಗಿಯೇ YouTube Channel ಆರಂಭಿಸಿದ್ದು ಆ ಮೂಲಕ ಮಕ್ಕಳ ಕಲಿಕೆಯನ್ನು ಪ್ರೋತ್ಸಾಹಿಸುತ್ತಿದ್ದಾರೆ
