ಜಗಳೂರು ಸುದ್ದಿ :- ನಿವೃತ್ತ ಲೀಡ್ ಬ್ಯಾಂಕ್ ವ್ಯವಸ್ಥಾಪಕರಾದ ಎನ್.ಟಿ.ಎರ್ರಿಸ್ವಾಮಿಯವರ ಬ್ಯಾಂಕಿಂಗ್ ಕ್ಷೇತ್ರದಲ್ಲಿ ಸೇವೆ ಸಲ್ಲಿಸಿದ ಇವರು ಸಾಹಿತ್ಯ ಕ್ಷೇತ್ರಕ್ಕೆ ತಮ್ಮದೇ ಆದ ಕೊಡುಗೆಯನ್ನು ನೀಡಿದ್ದಾರೆ ಎಂದು ಶಾಸಕ ಎಸ್. ವಿ. ರಾಮಚಂದ್ರ ಹೇಳಿದರು.
ತಾಲೂಕಿನ ಹಾಲೆಹಳ್ಳಿ ಗ್ರಾಮದಲ್ಲಿ ಮಹಾಶಿವ ರಾತ್ರಿ ಜಾಗರಣೆ ಹಾಗೂ ಎನ್.ಟಿ.ಎರ್ರಿಸ್ವಾಮಿಯವರ ನಮ್ಮೂರ ಪ್ರಪಂಚ ಪುಸ್ತಕ ಬಿಡುಗಡೆ ಸಮಾರಂಭದಲ್ಲಿ ಭಾಗವಹಿಸಿ ನಂತರ ಮಾತನಾಡಿದ ಅವರು ಬರದ ನಾಡನ್ನು ಹಸಿರು ನಾಡನ್ನಾಗಿ ಮಾಡುತ್ತೇನೆ. ಮುಂದಿನ ತಿಂಗಳು ಇನ್ನೂ 15 ದಿನಗಳಲ್ಲಿ ಭದ್ರಾ ಮೆಲ್ದಾಂಡೆ ನೀರಾವರಿ ಯೋಜನೆಗೆ ಭೂಮಿ ಪೂಜೆ ಮಾಡಲಾಗುವುದು. ಈ ಯೋಜನೆಯಿಂದ ತೊರೆ ಸಾಲುಭಾಗದ ಗ್ರಾಮಗಳಿಗೆ ಹೆಚ್ಚು ಅನುಕೂಲವಾಗಲಿದೆ. ಕ್ಷೇತ್ರದಲ್ಲಿ ಸಾಕಷ್ಟು ಅಭಿವೃದ್ದಿ ಕೆಲಸಗಳನ್ನು ಮಾಡಿದ್ದೇನೆ ಮಾಡಿರುವ ಕೆಲಸವನ್ನು ಜನತೆಗೆ ತಿಳಿಸಬೇಕಾಗಿದೆ ಎಂದರು.
ಮಾಜಿ ಶಾಸಕ ಎಚ್.ಪಿ.ರಾಜೇಶ್ ಮಾತನಾಡಿ ಎನ್.ಟಿ. ಯರ್ರಿಸ್ವಾಮಿಯ ಪುಸ್ತಕ ಬಿಡುಗಡೆ ಕಾರ್ಯಕ್ರಮದಲ್ಲಿ ಇಡಿ ಸಾಹಿತ್ಯ ದಿಗ್ಗಜರೇ ಭಾಗವಹಿಸಿದ್ದು, ಜಿಲ್ಲಾ ಕನ್ನಡ ಸಾಹಿತ್ಯ ಪರಿಷತ್ತು ನಡೆಯುತ್ತಿದೆ ಎಂದು ಭಾಸವಾಗುತ್ತಿದೆ. ಸಾಹಿತ್ಯ ಕ್ಷೇತ್ರವು ಎಲ್ಲರನ್ನು ಒಂದುಗೂಡಿಸುವಂತ ಕೆಲಸವನ್ನು ಮಾಡುತ್ತದೆ. ಇಲ್ಲಿ ಯಾವುದೇ ಜಾತಿ ಮತ ಧರ್ಮದ ಬೇಧಭಾವ ವಿಲ್ಲದೇ ಎಲ್ಲರೂ ಒಂದೇ ಎಂಬ ಭಾವನೆ ಮೂಡಿಸುತ್ತಿದೆ ಎಂದರು
ನಿವೃತ್ತ ಪ್ರಾಚಾರ್ಯರದ ಪ್ರಭಾಕರ್ ಲಕ್ಕೋಳ್ ಮಾತನಾಡಿ ಎನ್.ಟಿ.ಎರ್ರಿಸ್ವಾಮಿಯವರು ಚಿಕ್ಕ ಗ್ರಾಮದಲ್ಲಿ ಜನಿಸಿದ ಅವರು ಬ್ಯಾಂಕ್ ನೌಕರರಾದರು ಸಹ ಅವರು ಸಾಹಿತ್ಯದ ಕಡೆ ತಮ್ಮನ್ನು ತೊಡಗಿಸಿಕೊಂಡು ಇಂದು 30 ಕ್ಕೂ ಅಧಿಕ ಪುಸ್ತಕಗಳನ್ಙು ಹೊರತಂದಿದ್ದಾರೆ. ಇವರ ಕೃತಿಯಲ್ಲಿ ಸಂಸಾರದ ಜಂಜಾಟದ ಬಗ್ಗೆ ಬರೆದಿದ್ದಾರೆ ಎಂದರು.
ಜೆಡಿಎಸ್ ನ ರಾಜ್ಯ ಪ್ರಧಾನ ಕಾರ್ಯದರ್ಶಿ ಕಲ್ಲೇರುದ್ರೇಶ್ ಮಾತನಾಡಿ ಭದ್ರಾ ಮೇಲ್ದಾಂಡೆ ನೀರಾವರಿ ಯೋಜನೆಯಡಿ ತಾಲೂಕಿಗೆ ಬರಲು ಇನ್ನೂ 5 ವರ್ಷ ಬೇಕಾಗುತ್ತದೆ. ಒಂದು ವರ್ಷದಲ್ಲಿ ಯಾರು ನೀರು ತರುತ್ತಾರೋ ಅವರನ್ನು ಹೆಗಲ ಮೇಲೆ ಕುರಿಸಿಕೊಂಡು ಮೆರವಣಿಗೆ ಮಾಡುತ್ತೇನೆ ಎಂದರು .
ಕೆ.ಪಿ.ಸಿ.ಸಿ. ಎಸ್ಟಿ ಘಟಕದ ರಾಜ್ಯಾಧ್ಯಾಕ್ಷ ಕೆ.ಪಿ. ಪಾಲಯ್ಯ,ಕಾಂಗ್ರೆಸ್ ಮುಖಂಡ ಚಿಕ್ಕಮ್ಮನಹಟ್ಟಿ ಬಿ. ದೇವೇಂದ್ರಪ್ಪ.ನಿವೃತ್ತ ಲೋಕಾಯುಕ್ತ ಉಪ ಪೋಲಿಸ್ ವರಿಷ್ಠಾಧಿಕಾರಿ ಬಿ. ಕಲ್ಲೇಶಪ್ಪ ಜಿಲ್ಲಾ ಕಸಾಪದ ಅಧ್ಯಕ್ಷ ವಾಮದೇವಪ್ಪ, ಮಾಜಿ ಅಧ್ಯಕ್ಷ ಮಂಜುನಾಥ್ ಕುರ್ಕಿ.ಹಂಪಿಯ ವಿರುಪಾಪುರಗಡ್ಡೆ, ಬಿ. ಶಿವರಾಮರೆಡ್ಡಿ, ನಿವೃತ್ತ ಪ್ರಾಚಾರ್ಯರಾದ ಎಂ.ಬಸಪ್ಪ. ನಿವೃತ್ತ ಉಪನ್ಯಾಸಕ ಸುಭಾಷ್ ಚಂದ್ರ ಬೋಸ್ ಮಾತನಾಡಿದರು,
ಜಗಳೂರು ತಾಲೂಕು ಕನ್ನಡ ಸಾಹಿತ್ಯ ಪರಿಷತ್ ವತಿಯಿಂದ ಲೇಖಕ ಎನ್. ಟಿ ಎರ್ರಿ ಸ್ವಾಮಿ ಕುಟುಂಬಕ್ಕೆ ಸನ್ಮಾನಿಸಿದರು
ಈ ಸಂಧರ್ಭದಲ್ಲಿ ತಾಲೂಕು ಕಾರ್ಯ ನಿರತ ಪತ್ರಕರ್ತರ ಸಂಘದ ಅಧ್ಯಕ್ಷ ಜಿ.ಎಸ್.ಚಿದಾನಂದ, ನಿವೃತ್ತ ನೌಕರರ ಸಂಘದ ಜಿಲ್ಲಾ ಅಧ್ಯಕ್ಷ ಉಜ್ಜಿನಪ್ಪ, ಅಖಿಲ ಭಾರತ ಶರಣ ಸಾಹಿತ್ಯ ಪರಿಷತ್ತನ ಜಿಲ್ಲಾಧ್ಯಕ್ಷ ಪರಮೇಶ್ವರಪ್ಪ,ಗೀತಾಂಜಲಿ ಪ್ರಕಾಶನದ ಮೋಹನ್.ಪಲ್ಲಾಗಟ್ಟೆ ಶೇಖರಪ್ಪ.ಚುಟುಕು ಸಾಹಿತ್ಯ ಪರಿಷತ್ತಿನ ತಾಲೂಕು ಅಧ್ಯಕ್ಷೆ ಬಿ.ಟಿ.ಗೀತಾ ಮಂಜು. ಕ.ಸ.ಪ.ತಾಲೂಕು ಅಧ್ಯಕ್ಷೆ ಸುಜಾತಮ್ಮ. ನಿವೃತ್ತ ಶಿಕ್ಷಕ ಕೆ.ಕೃಷ್ಣಮೂರ್ತಿ ಸಾಹಿತಿ ಎರ್ರಿಸ್ವಾಮಿ, ಜಗಳೂರು ವಾಯ್ಸ್ ಪತ್ರಿಕೆಯ ಮಾಲಿಕ ಚೌಡಪ್ಪ, ಗ್ರಾಮದ ಮುಖಂಡರಾದ ಪ್ರಹ್ಲಾದರೆಡ್ಡಿ, ಮನೋಹರ್ ರೆಡ್ಡಿ. ರಾಮು. ಅರಣ್ಯ ಇಲಾಖೆ ಸಿಬ್ಬಂದಿ. ನಾಗರಾಜ್. ರಾಜಪ್ಪ ಸೇರಿದಂತೆ ಗ್ರಾಮಸ್ಥರೆಲ್ಲರೂ ಹಾಜರಿದ್ದರು
