ಪ್ರಜಾ ನಾಯಕ ಸುದ್ದಿ ಜಗಳೂರು :- ಹಸಿರು ಕ್ರಾಂತಿ ಜಾರಿಗೆ ತರುವ ಮೂಲಕ ಆಹಾರ ಭದ್ರತೆ ಒದಗಿಸಿ ದೇಶದ ಆರ್ಥಿಕ ಸ್ಥಿತಿ ಸರಿದಾರಿಗೆ ತರುವಲ್ಲಿ ಮಾಜಿ ಉಪ ಪ್ರಧಾನಿ ಬಾಬು ಜಗಜೀವ ರಾಮ್ ಅವರ ಸಾಧನೆ ಅಮೋಘವಾಗಿದೆ ಎಂದು ಸಮಾಜ ಕಲ್ಯಾಣ ಇಲಾಖೆ ಸಹಾಯಕ ನಿರ್ದೇಶಕ ಬಿ.ಮಹೇಶ್ವರಪ್ಪ ಹೇಳಿದರು.
ಪಟ್ಟಣದ ಸಮಾಜ ಕಲ್ಯಾಣ ಇಲಾಖೆ ಕಚೇರಿಯಲ್ಲಿ ಮಾಜಿ ಉಪ ಪ್ರಧಾನಿ ಬಾಬು ಜಗಜೀವನ್ ರಾಮ್ ಅವರ ಪುಣ್ಯ ಸ್ಮರಣೋತ್ಸವ ಅಂಗವಾಗಿ ಭಾವಚಿತ್ರಕ್ಕೆ ಪುಷ್ಪಾರ್ಚನೆ ನೆರವೇರಿಸಿ ಮಾತನಾಡಿ ದರು. ಬಾಲ್ಯದಿಂದಲೂ ಸಾಮಾಜಿಕ ಶೋಷಣೆ ಅನುಭವಿಸಿ ಜಾತಿ ಪದ್ದತಿಯನ್ನು ಹೊದ್ದುಬಂದತಹ ಬಾಬು ಜೀ ಅವರಿಗೆ ಕೊನೆ ಕ್ಷಣದಲ್ಲಿ ಪ್ರಧಾನಿ ಆಗುವ ಅವಕಾಶ ಕೈ ತಪ್ಪಿತ್ತು ಆದರೂ ಸಹ ಸಿಕ್ಕ ಅವಕಾಶದಲ್ಲಿ ಹಲವಾರು ಸಾಮಾ ಜೋಪಯೋಗಿ ಕೆಲಸ ಮಾಡಿ ದ್ದಾರೆ. ವಿದೇಶದಿಂದ ವಿಶೇಷ ತಳಿಯನ್ನು ತರಿಸಿ ಉತ್ಪಾದಿಸುವ ಮೂಲಕ ಹಲವು ಬೆಳೆಗಳ ವೈಜ್ಞಾನಿಕ ಸಂಸ್ಕರಣ ಉತ್ಪಾದನೆ ಯಿಂದ ದೇಶದಲ್ಲಿ ಹಸಿರು ಕ್ರಾಂತಿ ಉಂಟು ಮಾಡಿದರು ತಮ್ಮ ಜೀವಿತಾ ಉದ್ದಗಲಕ್ಕೂ ಅಧಿಕಾರಕ್ಕೆಎಂದು ಅಂಟಿಕೊಳ್ಳದೆ ದೇಶದ ಬಡವರ ಹಿಂದುಳಿದ, ದಲಿತ, ಅಲ್ಪಸಂಖ್ಯಾತರ ಪರವಾಗಿ ಹಲವಾರು ಯೋಜನೆಗಳನ್ನ ರೂಪಿಸಿ ಅವರ ಸಂವಿಧಾನ ಬದ್ದ ಹಕ್ಕುಗಳಿಗಾಗಿ ಹೋರಾಟ ಮಾಡಿದಂತ ಧೀಮಂತ ನಾಯಕ ಎಂದು ಬಣ್ಣಿಸಿದರು.
ಈ ಸಂದರ್ಭದಲ್ಲಿ ಇಲಾಖೆ ನೌಕರರಾದ, ಉಮೇಶ್, ಮಲ್ಲಿ ಕಾರ್ಜುನ್, ಗಿರೀಶ್, ಮುಖಂಡರಾದ ಶಾಸಕರ ಸಹೋದರ ರಾಮಣ್ಣ ಮಾಜಿ ಗ್ರಾ.ಪಂ.ಸದಸ್ಯರ ರಂಗಾಪುರ ಹನುಮಂತಪ್ಪ ಸೇರಿದಂತೆ ಮತ್ತಿತರರು ಇದ್ದರು
